صينية المكرونة بالقشطة .

السلام عليكم ورحمة الله وبركاته


اليووم جبت لكم طبخه حلووة مثلكم حبايبي 
صينية مكرونة بالقشطة




المكونات والمقادير...


بصله من الحجم الوسط فلفل اخضر بارد
حبة طماطم
طبعا يكونون مقطعات إلى شرائح
جزره كبيره مبشوره 2 مكعب ماجي (مرق دجاج) + بهارات
ربع اصبع زبده نصف دجاجه
نصف كيس مكرونه (على شكل شرايط)
علبة قشطه
جبن موزريلا 
طريقة التحضير


نسلق الدجاج مع مكعب واحد من الماجي وملح وبعدين لما تستوي نشيل الجلد والعظم وننتف الدجاجه شرايح
نحمر البصل في الزبده ونحط الطماط والفلفل والجزر مع المكعب الثاني من الماجي وبعدين نحط الدجاج ويترك ليما يتسبك
نسلق المكرونه في مرقة الدجاج ثم نضيف الخلطه اللي قبل عليها ونتركها على النار الى ان تختلطوتتجانس
نجيب صينيه بايركس وسط ونرش طبقه من الجبن الموزريلا ونحط المكرونه عليها
نخلط القشطه مع مقدار من الجبن الموزريلا ونصبه فوقه ونغطي الصينيه بالقصدير وندخلها الفرن من اسفل ربع ساعه وبعدين نشيل القصدير ونحمره من فوق
وتقدم ساخنه وبالصحه والعافيه

ملاحظة ::

بإمكانك تغيرين الخلطه اللي فوق وإليك خلطتين :

الخلطة 1 :

1علبه قشطه 4 حبات جبن مثلث او كيري
2 ملعقه كبيره مايونيز
تخلطينه بالخلاط اليما يتجانس وبعدين ترشينها ( الصينيه)بجبن موريلا بعدين تصبينها

الخلطة 2 :

ممكن تصلحين خلطة الباشميل وتصبينها فوقه

المقادير:

زبده 2 ملعقه كبيره دقيق
نصف لتر حليب ( ممكن ابدله بماء)
بيضه فلفل اسود
تخلطينهم على النار شوي وبعدين تصبينه ...



وبالعاااااااااااااااااافيه..عل يكم حبايبي